Emedia Mo

Un Kuliglig ya man bangga na trycicle y piaggio este lang aga na Natividad Street Tetuan.  No hay ya sale herido na incidente mintras ya lleva na Police Station 5 Tetuan para na areglo. 

Na combinao unit, ya conduci law enforcement operation na Barangay Canacan kabasalan, Zamboanga Sibugay que resulta na un encuentro que envuelto mas o menos 10 maga persona y el unu na 7th most wanted persona na Regional Level l un Morsid Ahod na caso de Murder  que ya man issue warrant of arrest del Marso 14, 2024 y el corte no hay remenda piansa;  Si Ahod, residente de Barangay Salipyasin manada ya maga offense el ta enfrenta, incluido el Kidnapping for ransom, extortion, theft, unu tambien este na suspechao na Kabasalan Massacres del año 2015 y 2016, mientras el  na lawless element si Abdul Sahibad y Fahad Sahibad unu na person of interest na mas reciente incidente de abduction;  Mientras ta continua pa el clearing operation del SOCO para na initial report, y ya reporta tambien que no hay quien ya muri na lao del govierno; 

Un mojer ya man bangga na un motorsiclo na Baliwasan Moret enfrente na Natasha building Con el victima ya identifica como si Marlyn Madrazo 59 año el edad y residente de Barangay Boalan; Mientras ya lleva ya na General hospital.

 DOS CIENTOS GRAMO DE MARIJUANA YA CONFISCA CON UN DECI OCHO ANIOS HOMBRE NA OPERACION DEL POLICE STATION 6 TETUAN NA PILAR DRIVE BARANGAY MAMPANG ESTE MARTES MADROGADA.. EL YA PUEDE CONFISCA, UN PAQUETE DE MARIJUANA QUE ESTIMAO VALOR DEL 24 MIL DE PESOS Y CINCO SACHET QUE TIENE VALOR MAS DE MIL PESOS LOMISMO EL UN PESADOR Y DECI SAIS EMPTY SACHET.. EL ARRESTO Y CONFISCACION DEL MAGA MARIJUANA YA BENE DESPUES TIENE EL QUIEN YA INFORMA ASERCA EL REPACKING DE MARIJAUNA TA SOSEDE NA LUGAR, DONDE MEDIATAMENTE YA RESPONDE EL TETUAN POLICE Y MAGA TANODS DE BARANGAY.

 TOP 3 MOST WANTED DEL ZAMBOANGA CITY POLICE STATION 11 YA ARRESTA NA LAGUNA.. YA NOMBRA COMO SI RYSSA RIMA MANSUL ALTRE QUIEN TIENE CASO DEL MURDER..  CON ALTRE YA SIRVI EL WARRANT OF ARREST EL CIDG CAVITE PROVINCIAL FIELD OFFICE CON COORDINATION NA ZAMMBOANGA CITY POLICE STATION 11 ADENTRO DEL FAST FOOD CHAIN NA BARANGAY BALIBAGO COMMERCIAL COMPLEX STA ROSA, LAGUNA MAN ALAS NUEVE ANOCHE .. ASEGUN CON EL DIRECTO DEL MANDO POLICIA REGIONAL PBGEN BOWEN JOEY MASAUDING EL ARRESTO DI ALTRE TA DALE LANG CLARO MENSAJE CON EL MAGA PERSONA TIENE CASO QUE MASQUIN DONDE ESTOS ANDA O ESCONDE HAY COJI LANG SIEMPRE CON ESTOS..

 Accidente vejicular na R.T Lim Boulevard  envuelto el un PUJ de Lower Calarian y PUJ de Ayala, mientras no hay quien ya sale herido na incidente.

Smuggled sugar ya puede confisca el Bureau of Customs y Police Regional Office 9 este Lunes madrogada  Na operation del combinao unit cuatro individual el ya puede aresta na involvement del smuggled sugar na Barangay Cawit, un 48 año el edad ombre amo el driver del truck, 43 año el edad un truck helper, 49 año el edad y 44 año el edad hombre;  El Bureau of Customs ya confisca 900 bags de smuggled sugar na un 10-wheeler wing van truck;  Mientras el maga suspechao ha enfrenta criminal charges aserca na violating Republic Act 10611 como el Food Safety Act of 2013 y el Republic Act  10845, Anti-Agricultural Smuggling Act of 2016,  Este operation un commintemnt de BOC para na maga illegal trade que ta entra na cuidad.   

 5.8 million valor de shabu ya puede con el dos high value target del Domingo de noche Noviembre 10, 2024 Na operation del combinao unit ya puede aresta con el 63 año el edad, casao y residene de Barangay Sta. Barbara y un 48 año el edad casao,  residente de Paniran, Barangay Zone IV donde 17 pcs de heat sealed alegao shabu con pesades de 850 gramo con valor de 5.8 million.

2 persona arestao na buy- bust operation del Sabado tarde Noviembre 9, 2024.  Por medio del operation del combinao unit ya puede aresta con el dos persona donde ya puede confisca 65 gramo de alegao shabu caon valor de 442 mil de pesos. Ambos persona residente de Barangay Arena Blanco y conose na alias "Boss" 35 año, hombre y alias "Siopao" 33 año, mujer. 

 Mas de 1 million valor de alegao shabu ya puede confisca na diferentes operation Na diferentes operation que ya conduci el combinao unit na primer operation que ya conduci este lang madrogada total de 1.20 million valor de alegao shabu el ya puede confisca na Omar Drive, Arena Blanco, mientras el segundo operation que ya conduci na Purok African Daisy, Barangay Don Andres, Ipil, Zamboanga Sibugay ya puede confisca 7 sachet de alegao shabu con valor de 9, 500.  Na aca tres operation ya conduci el Dipolog City Police Station y el otro unit ya puede aresta co el 33 año y confisca na possesion de este 3 sanchet de alegao shabu;  Mientras el aca-4 operation que ya conduci na Purok Malig, Barangay Poblacion, Kumalarang, Zamboanga Del Sur y puede con este confisca valor de 40,800 pesos alegao shabu; Con el maga confiscao alegao shabu ya lleva ya na Foreinsic unit para el examination;

 Na custodia ya del Joint Law Enforcement Operation el Top most wanted na Regional y Provincial level;  Un Joint law enforcement team el ya encabesa con el operation na Barangay Labangon, Dumingag, Zamboanga del Sur del Jueves media dia;  Con el menor de edad toene warrant of arrest  na caso de Murder y el corte no hay remenda piansa;  Mientas con el suspechao ya man turnover ya na Municipal Social Welfare and Development Office (MSWD) del Dumingag para na propio desposicion

Top 5 Regional most wanted ya puede ya aresta el PRO9 despues sirvi warrant of arrest el combinao unit del police na Barangay Tugbungan del Jueves aga.  Ya nombra como si Raricris Decena y Mercado quein tiene el caso de Comprehensive Dangerour Drugs Act of 2002 que ya man issue del Deciembre 7 2021 pa;  El corte no hay recomenda piansa con el acusao y presentamente bajo ya este na police station 6 para na propio desposicion

2 drug dealer arestao na separao Buy-Bust operation  El Police Regional office 9 ta continua el campania contra na droga porjivido;  Na primer operation del Miercoles de aga el Zambonga City Police Station 6 junto con el otro unit  ya conduci un drug-buy bust operation na Yubenco, Barangay Tetuan que ya puede aresta con el 35 año el edad hombre, y ya puede confisca na de este possecion 11 heat sealed plastic sachets del alegao droga  can valor de 13,600 pesos;  Na segundo operation el Zamboanga City Police Station 9 y otro unit na Zone 6 Barangay Ayala  que ya puede aresta con el 25 año un habal habal driver, con este persona ya puede confisca dos sachet de alegao droga  con valor de 4 mil, ambos persona bajo ya na costodia del police para na propio desposision. 

Most wanted arestao na RT Lim, Sibugay del Miercoles tarde.  El operatia del CIDG Regional Special Operation Team 9 CIDG Zamboanga del Sur  PHPT Sibugay junto con el RT Lim MPS y el 904th MC RMFB 9 ya conduci law enforcement operation con el most wanted que ya identifica como si Misael Jimlani;  Con el suspechao ya presenta el warrant of arrest na asunto de violation de droga  que ya man issue el 9th  Judicial Region, Branch 36, Ipil, Zamboanga Sibugay;  Mientras bajo ya na CIDG9 RSOT Sub- Office el suspechao para na documentation y propio desposicion.

Top 4 Most wanted na City lever arestao na Purok Gampis, Sicayab, Dipolog City.  El personajes del Dapitan City Police Station junto con el maga personajes del 1st ZNPMFC, Dipolog CPS, 5th SOU MG y el 601st RMFB9 ya conduci law enforcement operation con Mark Stephen Daymiel na caso stutatory rape;  El aresto ya hace na warrant of arrest que ya man issue el RTC, 9th Judicial Region, Branch 4, Dapitan City del Noviemebre 5, 2024 y no hay ele piansa, mientras el suspechao bajo ya na custodia del Dapitan CPS para na propio desposicion. 

 Unu na wanted person arestao del Miercoles del tarde na Zone 6, Barangay Boalan;  Con el persona ya identifica como si Rey Vincent Cortez Romualdo, 32 año y residente de Barangay Boalan;  Zamboanga City Intel Operatives of ZCPS5  junto con el personajes del RAZC, RID-9 ya conduci un  law enforcement operation aserca con el persona na asunto de illegal posession del armas de fuego; 

 Persona arestao porcausa na asunto abuso sexual del Miercoles del tarde Con el suspechao ya puede identifica como si Alemar Santiago Partosa 26 año, hombre y residente de Purok Tangigue, barangay Polo Dapitan; El Dapitan CPS El Dapitan CPS junto con el personajes del 1st ZNPMFC y el 901st RMFB9 ya conduci law enforcement opereation y ya presenta warrant of arrest para na crimen de Statutory rape y no hay este piansa. 

Un persona arestao despues puede confisca droga pojivido El personajes del Zamboanag City Police Station 8 ya cnduci Anti-illegal drug buy-bust operation na Purok 1 Alas-As barangay Sinunuc, del Miercoles madrogada, donde ya puede confisca con el persona dos heat-sealed plastic sachets alegao droga con valor de 6800 pesos.  Mientras el maga ya confisca ya lleva ya na ZCFU9 para na examinacion mientras del persona bajo ya na custodia del ZCPS8 para na propio desposicion

No. 2 Most Wanted person na Zamboanga City arestao ya.  El personajes del Zamboanga City Police Station 3 junto con el TSC-RMFB9, MARPSTA y el 2nd ZCMFC ya conduci un law enforcement operation con el most wanted person que ya puede identifica como si Salam Surain na Purok 2, Barangay Sangali del Miercoles, Noviembre 6, 2024,  Con el persona ya aresta porcuasa na asunto abuso sexual y ya planta ya con este el propio caso el y no hay este piansa, mioentras bajo ya na custodia del ZCPS3 para na propio desposicion. 

 Bajo ya na custodia el un pesona despues con este aresta na asunto de abuso sexual del Miercoles del tarde.  Ya puede identifica como si Micheal Angelo Obordo Santiago 22 año y residente del Barangay Dapitan city. El Dapitan CPS junto con el personajes del 1st ZNPMFC y el 901st RMFB9 ya conduci un joint Law enforcement operation con el mencionao persona. 

Arestao el un persona despues comete el asunto na " GRAPHIC HEALTH WARNING LAW" del Miercoles tarde.  El personajes del  Tracker Team del Sibutad MPS junto con el 1st ZNPMFC y el 901st MC RMFB9 ya conduci operation de warrant of arrest con  Jesus Emit Canoy residente de Libay, Sibutad Zamboanga del Norte. Mientras el  9th Judicial Region Branch 10, Dipolog City ya man issue con el persona violation del RA 10643 bajo na criminal case no 27561 que tiene fix bail na 3 mil de pesos.  Bajo ya na custodia del Sibutad MPS el arestao persona para na propio desposicion.

Arestao el un suspechao na incidente de abuso sexual del Miercoles aga Con el suspechao ya identifica como si Artemio Maglangit Calunod residente Purok Mahayhay, Tiayon, Ipil Zamboanga Sibugay, 62 año casao.  Mientras con  el suspechao ya planta ya con este el propio caso y no hay este piansa,  bajo ya este na custodia  del Ipil District Jail. 

 Arestao el No. 9 Most Wanted Person na City level na Violation del Section 5(b) RA 7610.  Con el suspechao ya conose como si Robert Tinambacan Oggocan, con el Warrant of Arrest ya presenta el Dapitan City Police Station junto con el personnel del 1st ZNPMFC ya conduci el operation na Purok Caimito, Barangay Barcelona, Dapitan City, Zamboanga del Norte del Miercoles de noche.  Mientras el suspechao bajo ya na custodia del Dapitan CPS para na propio desposicion. 

 Bajaj re y Honda click 125 cc ya man banggaan na Barangay Pasonanca este lang tarde.  Asegun con el driver del Honda Click 125cc bigla ya man u tur el Rickshaw amo el  causa del disgracia donde ya sustene gasgas na ombro el driver del motorsiclo.