Emedia Mo

Man hermano estudiante no hay porcigi ginda na escuela despues man bangga el ta munta estos motorsiclo na un Badja RE na Putik MCLL Highway este lang maga hora.

 Rikshaw ya perde el control na abahada  na Pasonanca particular na Km7. Cuatro ya sale herido incluhido el driver que ya puede identifica como si untal Ranvie John Bernardo Siason residente de Siason Drive Barangay Talon Talon, mientras el tres pasahero de Pasonanca Km7. Asegun estaba sila na Claret Pay-out del AKAP mientras pa bolbida ya observa el maga pasahero y driver dol hinde mas tanto ta agara el preno del rickshaw y pa abahada asegun ya perde control y ya man derecho sila na pader. 

 Muerto persona ya encontra na rio del Barangay Vitali del Jueves aga con el persona ya man lumus porcausa na fuerte aguacero Con el victima ya puede identifica como si Jennifer Yawali, hombre 29 año y residente de Barangay Tungawan y ya anda lang visita con el hermano de Vitali.  El victima ya sale missing del Octubre 22, 2024 pa. 

  Un persona ya agara el maga pulis na checkpoint del Divisoria cuando ya pasa no hay helmet y bien core na mencionao checkpoint del Jueves de noche Octubre 24, 2024. Pero embes de para, ya man bunot este usando toy gun.

Un Senior High School Student desde Maria Clara Lorenzo Lobregat National Highschool victima de accidente vejicular este lang tarde na Divisoria MCLL Highway.  Donde envuelto el un Single motorsiclo Honda RS125 encamino para Sangali si Gio Cornella.  Con el victima ya puede identifica como si Fancris Alfaro, 16 año y residente de Barangay Lumbangan.  Asegun con el hermana ta trabesa este victima y derefente con este ya man bangga.  Mientras el victima ya lleva ya na sercanos hospital. 

Un truck ta carga cemento el ya man bangga na un auto este lang aga na Barangay Baliwasan Junction donde ya causa trafico.

Critical ahora el condicion del tres persona despues accidenta el ta munta estos motorsiclo na Pole Diutay na Lapaz. Con el tres Victima enseguidas ya lleva ya na sercanos hospital para na curada medical.

 Dos persona victima de tiro na Zone 2 Barangay Cawit este sabado dia ta celebra el Fiesta Pilar.   Dead on the spot el back rider  si Ariel Apari 30 anios de edad, residente de Barangay Boalan..   Mientras bajo na curada medical na hospital el driver  si Jonathan Narrciso..  Asegun con el Barangay Kapitan del Cawit Rayson Modillas, el maga victima ta vaija para na direction del pueblo quando ya tira el riding in tandem ta sigi atras.

  Bajo ahora na curada medical el un persona despues con este lancia el nobio del mojer que uban de este ta toma na KTV bar na Barangay Guiwan anoche.   Ya conose como si  Edgar Damandam Diasana legal el edad y residente de Toribio Drive Barangay Pasonanca.   El victima si Diasana junto con el de este companierio si Manuel Alberio y el mojer del suspechao si Juneth Querobin 40 anios de Barangay Mampang ta man tomahan na un KTV bar na Barangay Guiwan quando derepente ya entra el suspechao si Reymark Delos Santos 32 anios de Dalipe Compound Tetuan, sin provocation ya lancia con el victima pero ya puede este evita y corre pa apuera, donde ya hace con este apas el suspechao para continua lancia por mucho veses. Emediatamente man tambien ya puede arresta con el suspechao y confisca el cuchilio ya usa   el maga police ya responde na lugar. El suspechao si Delos Santos detenido ahora na carcel del Police Station 5 Divisoria.