UN INCIDENTE DE TIRO YA OCURI NA BARANGAY SAN ROQUE
Un incidente de tiro el ya ocuri na San Roque enfrente na un Memorial Cemetery, Con el victima ya lleva ya na secanos hospital para el curada medical.
UN PERSONA VICTIMA DE INCIDENTE DE PUÑALADA
Bajo ahora na curada medical el un persona despues con este lancia el
nobio del mojer que uban de este ta toma na KTV bar na Barangay Guiwan anoche.
El victima si Diasana junto con el de este companierio si Manuel Alberio y el mojer del suspechao si Juneth Querobin 40 anios de Barangay Mampang ta man tomahan na un KTV bar na Barangay Guiwan quando derepente ya entra el suspechao si Reymark Delos Santos 32 anios de Dalipe Compound Tetuan, sin provocation ya lancia con el victima pero ya puede este evita y corre pa apuera, donde ya hace con este apas el suspechao para continua lancia por mucho veses.
Emediatamente man tambien ya puede arresta con el suspechao y confisca el cuchilio ya usa el maga police ya responde na lugar.
El suspechao si Delos Santos detenido ahora na carcel del Police
Station 5 Divisoria.
Popular posts from this blog
DOS PERSONA VICTIMA DE INCIDENTE DE TIRO NA BARANGAY CAWIT
Dos persona victima de tiro na Zone 2 Barangay Cawit este sabado dia ta celebra el Fiesta Pilar. Dead on the spot el back rider si Ariel Apari 30 anios de edad, residente de Barangay Boalan.. Mientras bajo na curada medical na hospital el driver si Jonathan Narrciso.. Asegun con el Barangay Kapitan del Cawit Rayson Modillas, el maga victima ta vaija para na direction del pueblo quando ya tira el riding in tandem ta sigi atras.
SINGLE MOTORSICLO YA MAN BANGGA CON UN 16 AÑO SENIOR HIGH SCHOOL STUDENT NA DIVISORIA MCLL HIGHWAY.
Un Senior High School Student desde Maria Clara Lorenzo Lobregat National Highschool victima de accidente vejicular este lang tarde na Divisoria MCLL Highway. Donde envuelto el un Single motorsiclo Honda RS125 encamino para Sangali si Gio Cornella. Con el victima ya puede identifica como si Fancris Alfaro, 16 año y residente de Barangay Lumbangan. Asegun con el hermana ta trabesa este victima y derefente con este ya man bangga. Mientras el victima ya lleva ya na sercanos hospital.
TRES PERSONA CRITICAL DESPUES ACCIDENTA NA LAPAZ
Critical ahora el condicion del tres persona despues accidenta el ta munta estos motorsiclo na Pole Diutay na Lapaz. Con el tres Victima enseguidas ya lleva ya na sercanos hospital para na curada medical.
Comments
Post a Comment